Taulant Hodaj

Avokati i licensuar i Gjykatës Speciale, Taulant Hodaj, ka treguar rreth procesit gjyqësor në Hagë ku po gjykohen ish drejtuesit e Ushtrisë Çlirimtare të Kosovës (UÇK).

Hodaj tha se mesatarja e procesit gjyqësor ndaj tyre mund të marrë kohë deri në 10 vjet, ndërsa mesatarja e proceseve të këtij niveli është 5 vjet.

“Nëse marrim parasysh Tribunalet e kaluara, mesatarja e gjykimit do të jetë 5 vjet, derisa për ish-liderët e UÇK-së Thaçit, Veselit, Selimit e Krasniqit gjykimi mund të zgjas deri në 10 vjet, pasi që është rast shumë i rëndë”, ka thënë Hodaj, për RTK.

Ka rreth dy muaj që prej arrestimit të parë nga Gjykata Speciale e Kosovës në Hagë, e që ishte Komandant “Cali” – Sali Mustafa./telegrafi

Avokati Taulant Hodaj dy shtete të treta, që kanë ofruar garanci për lirimin me kusht të ish-presidentit të Kosovës, Hashim Thaçi nga paraburgimi mund të jenë Shqipëria e Turqia.

Mbrojtja e Hashim Thaçit, përmes një parashtrese drejtuar gjykatësit paraprak, ka bërë të ditur se dy shtete të treta kanë garantuar për lirimin e përkohshëm të tij në territoret e tyre, duke kërkuar lirimin e tij në një nga këto shtete.

Sipas kësaj shkrese, më 5 maj 2021, mbrojtja mori garancinë me shkrim të Qeverisë për lirimin e përkohshëm të Thaçit në territorin e saj, ndërsa thuhet se garanci tjetër me shkrim nga një Qeveri që nuk emërtohet u mor më 14 qershor 2021.

Mirëpo, sipas  avokatit, Taulant Hodaj gjasat për lirim me kusht nga paraburgimi janë të vogla. Ndërkaq, ai dha detaje për dy vendet e treta që kanë garantuar për lirimin me kusht të Thaçit.

Hodaj tha se gjasat më të mëdha për lirim me kusht të ish-krerëve të Ushtrisë Çlirimtare të Kosovës nga Dhomat e Specializuara të Gjykatës Speciale në Hagë janë pas përfundimit të procedurës paraprake, pra pasi të përfundoj hetimi dhe të nis gjykimi.

“Tani për tani, mendoj se është vështirë të bindet gjykata që t’i lirojë sepse, kemi para angazhim tepër të madh të gjykatës e prokurorisë për t’i arrestuar ata e po ashtu praktikat e mëhershme. Marrë parasysh këto fakte në një të ardhme më të afërt nuk pritet, por kur të fillojë gjykimi i plotë mund të bëhet”, theksoi Hodaj.

/telegrafi

August 16, 2021

Avokati kosovar, Taulant Hodaj, beson se në padinë të cilën kryeministri Albin Kurti, bashkë me presidenten Vjosa Osmani, do ta ngrisin ndaj Serbisë për gjenocid ndaj popullit të Kosovës në luftën e fundit, do përfshihen persekutimi i shqiptarëve, fshehja e trupave dhe transportimi i tyre në Serbi.

Hodaj, në një intervistë për mediumin ‘Al Jazeera’ ka thënë se provat e siguruara nga Gjykata Ndërkombëtare Penale për ish Jugosllavinë (ICTY), ku vërtetohet se ekzistonte një plan i institucioneve në Serbi për dëbimin sistematik të shqiptarëve nga Kosova, përfshirë fshehjen e trupave dhe transportimin e tyre në Serbi, do jenë pjesë e padisë, transmeton Gazeta Express.

“Unë besoj se provat e siguruara nga ICTY, ku vërtetohet se ekzistonte një plan i institucioneve në Serbi për dëbimin sistematik të shqiptarëve nga Kosova, përfshirë fshehjen e trupave dhe transportimin e tyre në Serbi. Çështje të tilla dhe çështje të tjera të ngjashme përbëjnë bazën për një proces gjyqësor. Ka prova të tjera dhe ngjarje të tjera që do të dokumentohen mirë dhe që kanë të bëjnë me procesin gjyqësor”, ka deklaruar avokati Hodaj.

Hodaj, i cili është pjesë e listës së avokatëve të akredituar në Dhomat e Specializuara të Kosovës në Hagë, ka thënë se një padi e tillë nuk duhet të ndërlidhet me vazhdimin e dialogut Kosovë-Serbi.

“Unë besoj se kërkimi i drejtësisë dhe ndëshkimi i atyre që kanë kryer krime lufte, përfshirë gjenocidin, nuk duhet të jetë pengesë për faktin se një çështje e tillë do të trajtohet dhe vendoset nga një forum ndërkombëtar, në këtë rast GJND”, ka deklaruar ai në intervistë.

Ndër të tjera, ai ka thënë se meqë Kosova nuk është pjesë e Kombeve të Bashkuara, duhet të konsultojë ndonjë shtet anëtar që vepron në emër të Kosovës. Të rrugës, Hodaj e ka parë të jetë Shqipëria zgjedhja e parë, por edhe vendet si Holanda e Britania e Madhe, për të cilat thotë se kanë traditë më të madhe në të drejtën ndërkombëtare. /Gazeta Express/