Taulant Hodaj

z. Hodaj është prononcuar për AlJazeera Balkans, duke qenë kështu i përzgjedhur nga ky medium si (ashtu si e cilëson edhe vetë artikulli): avokat me një eksperiencë të pasur në të drejtën penale si në vend, ashtu edhe në institucionet ndërkombëtare, si Tribunali i Hagës për ish Jugosllavinë.
z. Hodaj ka theksuar që të ushtruarit e padisë kundër Serbisë nuk është e pamundur, marrë parasysh që Kosova ishte palë para Gjykatës Ndërkombëtare të Drejtësisë edhe më herët. Në këtë drejtim, është e mundur që, marrë parasysh që Kosova nuk është pjesë e Kombeve të Bashkuara, që padinë t’a bëjë ndonjë shtet tjetër (si Shqipëria), por do ishte më e pëlqyeshme që këtë të bënte ndonjë shtet me përvojë më të madhe në këtë drejtim si Holanda apo Britania e Madhe.
Së fundmi, z. Hodaj theksoi që ushtrimi i padisë së këtillë në asnjë mënyrë nuk do duhej të ndikonte në dialog të mëtutjeshëm me Serbinë dhe aq në asnjë  mënyrë, nuk duhej të ndikonte në ndarjen e mëtutjeshme ndërmjet dy popujve. Përkundrazi, z.Hodaj bëri të qartë që ushtrimi I padisë dhe vendosja në këtë drejtim nga një forum ndërkombëtar si Gjykata Ndërkombëtare e Drejtësisë, vetëm do jepte përgjigje ndaj pyetjeve të shtruara dhe do ndihmonte në rregullimin e marrëdhënieve në rajon në pajtim me të vërtetën.
Lexoni intervistën e plotë në këtë link: https://balkans.aljazeera.net/teme/2021/5/29/taulant-hodaj-tuzba-za-genocid-
obuhvatice-progon-albanaca-skrivanje-tijela-i-transport-u-srbiju

Hodaj & Partners si një ndër zyrat më të njohura të avokatëve në Kosovë ka kënaqësin të njoftoj se
dy bashkëpunëtorë të ri i janë bashkangjitur zyrës sonë. Z. Zgjim Mikullovci që është bërë pjesë e
zyrës para disa muajve dhe tani prej muajit shkurt 2022, edhe Znj. Zana Cena është bërë pjesë e
zyrës sonë.

Zgjim Mikullovci ka diplomuar në Universitetin e Prishtinës, Fakultetit Juridik në vitin 2020. Ai ka
marrë pjesë në garën Wilem C. Vis International Commercial Arbitration Moot në Vienë dhe Philip
C. Jessup International Moot Court Competition në Washington D.C. Ai po ashtu është bursist i
Fulbright Foreign Student Program Scholarship për LL.M. në Shtetet e Bashkuara të Amerikës. Më
herët Zgjimi ka qenë i angazhuar në organizata ndërkombëtare në Kosovë. Zgjimi, në Hodaj Law do
të fokusohet në të Drejtën Tregtare & të Korporatave, Arbitrazh Komercial dhe të Drejtën e Punës.
Zana Cena, ka kryer studimet e masterit (LL.M.) në Duke University, School of Law, ndërkaq
studimet themelore, në Universitetin e Prishtinës, Fakultetin Juridik në vitin 2020. Ajo po ashtu ka
marrë pjesë në garën Wilem C. Vis International Commercial Arbitration Moot në Vienë. Më herët,
Zana ka punuar në një zyrë të avokatisë në Kosovë me fokus të veçantë në të Drejtat e Njeriut, të
Drejtën Komerciale dhe të Drejtën e Punës. Zana në Hodaj Law do të fokusohet në të Drejtën
Tregtare dhe të Korporatave, të Drejtën e Pronësisë Intelektuale dhe në Arbitrazh Komercial.
Hodaj & Partners në vazhdimësi angazhon eskpert të rinjë dhe profesional me të vetmin qëllim që të
vazhdojmë të jemi lider në Kosovë në kryerjen e shërbimeve juridike dhe për një qasje proaktive për
bizneset duke ju ofruar zgjidhje në rastet e tyre të përditshme dhe komplekse. Ne ju urojmë kolegëve
pozitat e reja në zyrën tonë dhe ju dëshirojmë atyre sfida interesante dhe shumë fat.